എനിക്ക് ശരികള് എന്ന് തോന്നുന്നത് നിനക്ക് തെറ്റുകളായി തോന്നിയേക്കാം ,,,പക്ഷെ,,,, എന്റെ ശരി നിനക്ക് തെറ്റുകളായി എന്ന് തോന്നിയാല് ആ തെറ്റുകള് തിരുത്തിക്കുക,,, അതല്ലേ വേണ്ടത്,,, അതെ,, അതാണ് ശരി,,,അല്ലാതെ മിണ്ടാതിരിക്കല് അല്ല
Thursday, December 27, 2012
Tuesday, December 25, 2012
Friday, December 14, 2012
Thursday, December 13, 2012
തിമിരം
ഞാന് ,
മലയാളത്തിന്റെ പ്രിയപ്പെട്ട കവി
കാമിനിയുടെ കരിനീല മിഴികളും
അഴകേറുമുടലും തൂലികയുടെ
വിരേച നൌഷധം
കാടും കാട്ടാറും കിളികളും എന്റെ
ഭാവനാ ലോകത്തെ കുടികിടപ്പുക്കാര്
എന്റെ സാംസ്കാരിക പരിസരങ്ങളില്
കലഹങ്ങളില്ല കലാപങ്ങളില്ല
ഉടുമുണ്ടഴിയുന്ന പെങ്ങളുടെ
ദൈന്യ നേത്രങ്ങളില്ല
ഉദരം പിളര്ന്ന അമ്മയും
ശൂലത്തില് കോര്ത്ത പിഞ്ചുടലും
എന്റെ കാഴ്ച വട്ടങ്ങളുടെ
നാലഴലത്ത് പോലുമില്ല
കര്ണ്ണഫുടങ്ങളില്
ഇയ്യം ഉരുക്കിയൊഴിച്ച്
ആസനത്തില് കിളിര്ത്ത
വാലില് ചായം മുക്കി
കവിതയുടെ മൂല്യമളക്കാം
കവി പുംഗവന് ഞാന്
(ഗുജറാത്ത് കാലാപകാലത്ത് എഴുതിയ കവിതയാണ്)
(ഗുജറാത്ത് കാലാപകാലത്ത് എഴുതിയ കവിതയാണ്)
Wednesday, December 12, 2012
മയില്പ്പീലി
മാനം കാണിക്കാതെ ഒളിച്ചുവച്ചാല് മയില്പീലി ഒത്തിരി പീലിവാവകളെ തരുമെന്ന് പഠിക്കുന്ന കാലങ്ങളില് ആരോ പറഞ്ഞത് മനസ്സിലുണ്ടായിരുന്നു. മാനം കാണിക്കാതെയും, മാലോകര് കാണാതെയും, ഒരു മയിപ്പീലിത്തുണ്ട് എന്റെ നോട്ടുബുക്കിനുള്ളിലാക്കി സുക്ഷിച്ചുവെക്കണം എന്നുണ്ടായിരുന്നു,,, ആ സ്കൂള് ജീവിതക്കാലത്ത് ആ മോഹം പൂവണിഞ്ഞില്ല ,,,, പക്ഷെ ഈ പ്രവാസ ജീവിതത്തിന്റെ തിരക്കുകള്ക്കിടയിലും എന്നിലേക്ക് ഒരു മാലാഖയായി എന് പ്രണയിനിയായി ഒരുവള് പറന്നു വന്നു,,, അവള് എനിക്ക് ഒരു മയില്പ്പീലി സമ്മാനിച്ചു,,, ആ മയില്പ്പീലിയാണ് ഈ ബ്ലോഗ് ,,, പിന്നെ എപ്പോളോ അവള് എന്നില് നിന്നും പറന്നു അകന്നു പോയി ...അവള് പറന്നു അകന്നാലും എനിക്ക് എന്നും ഓര്മ്മിക്കാന് ഈ മയില്പ്പീലി മാത്രം ബാക്കിയായി. ജീവിതത്തിന്റെ താളുകള് എത്ര മറഞ്ഞുപോയാലും മനസ്സിന്റെ മണിചെപ്പില് മാനം കാണിക്കാതെ ഞാന് ഒളിച്ചുവെക്കും ഈ മയില്പ്പീലിയെ,,, വസന്തവും,ശിശിരവും, വേനലും,വര്ഷവും വന്നുപ്പോയാലും എന്റെ സ്വപ്നങ്ങളും, മോഹങ്ങളും കൊടുത്തു ഞാന് ഈ മയില്പ്പീലിക്ക് കാവലിരിക്കും.... എന്തിനെന്നറിയാതെ... കാലങ്ങള് പോവുന്നതറിയാതെ... എന്നും ഞാന് കാത്തിരിക്കും
Sunday, December 9, 2012
നന്ദി
അകന്നു പോയ ഹൃദയങ്ങള്ക്ക്
തീര്ന്നു പോയ ഇന്നലെകള്ക്ക്
മിഴി പൂട്ടിയ താരകങ്ങള്ക്ക്
താഴിട്ടു പൂട്ടിയ കിനാക്കള്ക്ക്
തിരിഞ്ഞു നടന്ന കുസൃതികള്ക്ക്
നീ തന്ന സ്വപ്നങ്ങള്ക്ക്
പിന്നെ
സൗഹൃദം കൊണ്ടൊരു കൊട്ടാരം തീര്ത്തതിന്
ഓര്മ്മയില് സൂക്ഷിക്കാന് ഒരു മയില്പീലി തന്നതിന്
ഹൃദയ വിശുദ്ധി കൊണ്ടൊരു പൂക്കണി ഒരുക്കിയതിന്
ഉള്ളിന്റെ ഉള്ളില് ഒരു ഓണത്തുമ്പിയായി പറന്നതിന്
എല്ലാത്തിനും നന്ദി...നന്ദി...നന്ദി...
അഗ്നി
എന് ചുറ്റിലും അഗ്നി വലയം വെച്ചപ്പോള് പൊള്ളുന്ന ആ ചൂടില് നിന്നും എന്നെ രക്ഷിക്കാന് ഒരു മഞ്ഞുത്തുള്ളിയായി എന്നിലേക്ക് വന്നവള് അല്ലെ നീ,,,,, എന് ചുറ്റിലും ഉണ്ടായിരുന്ന അഗ്നി കത്തി അമര്ന്നപ്പോള് എന്താ നിനക്ക് പറ്റിയത്,,,, ആ അഗ്നിയില് നിന്റെ ഹൃദയം കത്തി അമര്ന്നതോ അല്ല എന് കൂടെ നിന്ന് ആ അഗ്നിയെ ആയിരുന്നോ നീ സ്നേഹിച്ചിരുന്നത്
വെളിച്ചം
ഇരുട്ട് എപ്പോഴും ഇരുട്ട് ആകാം ആ ഇരുട്ട് എന്തുമാകാം,,, പക്ഷെ ,,,, വെളിച്ചം ... വെളിച്ചം മാത്രമാണ്,,, ആ വെളിച്ചം ആയിരിക്കാം ഞമ്മളെ സുഹൃത്തുക്കളാക്കിയത്,,,, ഈ വെളിച്ചത്തില് നിന്നും ഇരുട്ടിലേക്ക് പോകാന് നീ ആഗ്രഹിക്കുന്നുണ്ടോ,,, എനിക്ക് ഇഷ്ടം ഈ വെളിച്ചമാണ്
വിരഹത്തിന് വേദന
ഈ മണല്നാട്ടിലെ.,.,.,ഉരുകുന്ന വെയിലും ഈ മരുഭൂമി എനിക്ക് സമ്മാനിച്ച വേദനകളും സന്തോഷങ്ങളും എല്ലാം വേണ്ടെന്ന് വെച്ച് നിന്നെ കാണുവാന് വേണ്ടി വരാന് നില്ക്കുന്ന ഈ സമയത്ത് എന്തിനാണ് നീ എനിക്ക് ഈ വേദന സമ്മാനിച്ചത് ,,, എത്ര ആലോചിച്ചിട്ടും എനിക്ക് ഉത്തരം കിട്ടുന്നില്ല,,, ഈ നിമിഷം ഞാന് അറിയുന്നു.... വിരഹത്തിന് വേദന....
നീ എത്ര എന്നില് നിന്നും അകന്നാലും ഞാന് വരും നീ ഓര്ക്കാതിരിക്കവേ മടങ്ങിപ്പോകുന്ന വഴികളിലൂടെ ഞാന് വരും നിനക്കു കണ്ടില്ലെന്നു നടിക്കാനാകില്ല ഓര്മ്മകള് നിന്നെ അനുസരിക്കുകയില്ല,,, വാക്കുകള് അടര്ന്നു നിന്നെ വലം വയ്ക്കും,,, വന്യമായ കരങ്ങളാല് നീ ആനയിക്കപ്പെടും... നീ പറഞ്ഞ പോലെ എല്ലാം എനിക്ക് ഓര്മ്മകളായി എടുക്കാന് കഴിയുന്നില്ല ,,,, ഞാന് വരും ,,,, എന്റെ വരവിനായി കാത്തിരുന്നോളൂ.....
സംഗീതം
തന്ത്രികള് പൊട്ടിയ വീണയാണിന്ന് ഞാന്
താളം തെറ്റിയ ഗീതമാണിന്ന് ഞാന്
പാഴായ രാഗങ്ങള് കോര്ത്തിണക്കിയ
ചടുല സംഗീതമാണ് ഇന്നെന് ജീവിതം
Tuesday, November 13, 2012
നീ
നിന്നെ വാക്കുകള് കൊണ്ട് ഞാന് വലയം തീര്ക്കുന്നുവെങ്കില് നീ വാക്കുകള്ക്ക് അതീതമാണ്... അത്രയും വര്ണ്ണിക്കാന് ഉണ്ട് നിന്നെ,,,, ഈ മനസ്സ് മുഴുവനും നീയാണ് ,,, എന്നിട്ടും എന്തിന് നീ എന്നെ കരയിപ്പിക്കുന്നു
ദീപാവലി ആശംസകള്
ദീപാവലി ദീപങ്ങളുടെ ഉത്സവമായിട്ടാണ് ആഘോഷിക്കപ്പെടുന്നത്. ദീപാവലിയാഘോഷങ്ങള്ക്ക് ഇന്ത്യാചരിത്രത്തോളം തന്നെ പഴക്കമുണ്ട്. ഹിന്ദുപുരാണങ്ങളിലും മറ്റും ദീപാവലിയാഘോഷത്തെക്കുറിച്ച് ഒട്ടേറെ പരാമര്ശങ്ങളുണ്ട്.
മനുഷ്യനെ അജ്ഞാനമാ
ക്കുന്ന അന്ധകാരത്തില് നിന്ന് അറിവിന്റെ വെളിച്ചത്തിലേക്ക് നയിക്കുകയാണ് ദീപാവലിയുടെ മഹത്തായ സങ്കല്പം. ഭൂമിയില് ആധിപത്യം സ്ഥാപിച്ചിരുന്ന ആസുരശക്തികളെ ഉന്മൂലനം ചെയ്ത് ജനങ്ങള്ക്ക് ക്ഷേമവും ഐശ്വര്യവും പ്രദാനം ചെയ്യുകയാണ് ആഘോഷത്തിന്റെ അടിസ്ഥാനം.
രാമായണത്തില് ശ്രീരാമന്റെ വനവാസവുമായി ബന്ധപ്പെട്ട ഐതിഹ്യമാണ് ദീപാവലിക്ക്. 14 വര്ഷത്തെ വനവാസത്തിനും രാവണവധത്തിനും ശേഷം അയോധ്യയില് തിരിച്ചെത്തിയ ശ്രീരാമനേയും പരിവാരങ്ങളേയും ജനങ്ങള് നിറദീപങ്ങളോടെ വരവേറ്റു എന്നാണ് സങ്കല്പം. അതിനെ അനുസ്മരിപ്പിക്കുന്നതിനാണ് നാം ദീപാവലി ദിവസം വീടിനകത്തും പുറത്തും ദീപങ്ങള് തെളിച്ചും പടക്കങ്ങള് പൊട്ടിച്ചും ആഘോഷിക്കുന്നത്.
ഏവര്ക്കും ഞങ്ങളുടെ ഹൃദയം നിറഞ്ഞ ദീപാവലി ആശംസകള്
Sunday, November 11, 2012
അവള്
എന് തോഴിയായ് എന് പ്രണയിനിയായ്,,, എന് ഹൃദയത്തില് മീട്ടും ഈണമായ്,,, എന് കനവുകളില് ചേരും ശ്രുതിയായ്,,, കുളിരായ് വീശും ഇളം തെന്നലായ്,,, എന് ജീവിതത്തിലേക്ക് വന്നവള് അല്ലെ നീ..
ഇഷ്ടം
എനിക്ക് എന്നേക്കാള് ഇഷ്ടം എന്റെ മനസ്സിനെയാണ്,,,, എന്റെ മനസ്സിന് എന്നേക്കാള് ഇഷ്ടം നിന്നെയാണ്
ചിത്രം
നിന്നെ കണ്ട ആ നിമിഷം മുതല് എന്റെ മനസ്സിന്റെ ചില്ല് കൂട്ടില് ഞാന് വെറുതെ വരച്ചിട്ട ചിത്രമാണ് നീ
ശുഭരാത്രി
കാലത്തിന്റെ യാമങ്ങള് മിന്നിമറയുമ്പോള് ,,, വസന്ത മാളികയില് നീ തനിച്ചിരിക്കുമ്പോള് ,,, നിന്റെ സ്വപ്നങ്ങള്ക്ക് കൂട്ടായ് നിന് നിഴലായി നിന് സ്വപ്നമായി ഞാനുമുണ്ടാകും,,, ശുഭരാത്രി
Thursday, November 1, 2012
വിശ്വാസം
നിനക്ക് നിന്നെ തന്നെ വിശ്വാസം ഇല്ല ,,,, പിന്നെ നീ എങ്ങനെ മറ്റൊരാളെ വിശ്വാസിക്കും ,,,, ആദ്യം നീ നിന്നെ തന്നെ വിശ്വാസിക്കുക,,, അതിന് ശേഷം മറ്റൊരാളെ വിശ്വാസിക്കുക
വേദന
.jpg)
നീ എന്റെ മാത്രം ആണെന്ന് ഞാന് വിശ്വസിച്ചു ,,,,
ആ വിശ്വാസം എന്റെ പ്രതീക്ഷകള് ആയിരുന്നു,,,,
ആ പ്രതീക്ഷകള് എന്റെ ജീവിതം ആയിരുന്നു....
ആ ജീവിതത്തില് ഞാന് അറിയാതെ എപ്പോഴോ ആഞ്ഞുവീശിയ ആ കൊടുങ്കാറ്റില് എനിക്ക് നീ വരുത്തി വെച്ച നഷ്ടങ്ങള് ..........
എല്ലാ നഷ്ടങ്ങളും സഹിക്കാം പക്ഷെ ഈ വേദന ഒഴിച്ച് ,,, നീ തന്ന ഈ വിരഹത്തിന് വേദന ഒഴിച്ച് ,,,, നീ എത്ര എന്നില് നിന്നും ഒളിചോടിയാലും മറക്കാന് കഴിയുമോ നിനക്ക് എന്നെ,,,, എന്നില് നിന്ന് നീ എത്ര ദൂരെ പോയി ഒളിച്ചാലും നിനക്ക് വേണ്ടി കാത്തിരിക്കും ഞാന്
കേരളപ്പിറവി ആശംസകള്
1956 നവംബര് ഒന്നാം തീയതി കേരളം പിറന്നു.സ്വാതന്ത്ര ഭാരതത്തില് തിരുവിതാംകൂറിലേയും തിരുകൊച്ചിയിലേയും നാട്ടുരാജാക്കന്മാരുടെ സംയോജനവിളംബരമാണ്, കേരളപ്പിറവിക്ക് നിതാനമായത് .ഭാഷയുടെ അടിസ്ഥാനത്തില് ഉണ്ടായ വിഭജനം മലായാളിയ്ക്ക് ഒരു പുതിയ മുഖം നേടിയെടുക്കാന് സഹായിച്ചു. അറബിക്കടലിന്റെ മടിയിലുറങ്ങുന്ന നീലഗിരിയുടെ സഖിയാം കേരളം സുന്ദരിയാണ് മനോഹരിയാണ്. നദികളും കായലുകളും തോടുകളും പാടശേഖരവും മലനിരകളാല് സുന്ദരമാണ് എന്റെ ഈ കൊച്ചു കേരളം
സ്വാതന്ത്ര്യം എന്നാല് സ്നേഹമാണ്
അത് ഒരുമയുടെ സന്ദേശമാണ്-
ശക്തിയാണ്. ഐക്യമാണ്.
ദൈവത്തിന്റെ സ്വന്തം നാട്!
പ്രബുദ്ധരായ മലയാളിയുടെ നാട് !
എന്റെ കേരളം!എത്ര സുന്ദരം!
എല്ലാ കൂട്ടുക്കാര്ക്കും ഞങ്ങളുടെ കേരളപ്പിറവി ആശംസകള്
